Այսօր: Չորեքշաբթի, 21 Նոյեմբերի 2018թ.
Սարչապետի համայնքապետարանի պաշտոնական կայք
Հյուրերի քանակը՝ 39
ՀՀ ԼՈՌՈՒ ՄԱՐԶԻ ՍԱՐՉԱՊԵՏ ՀԱՄԱՅՆՔ
ԻՐԱԴԱՐՁՈՒԹՅՈՒՆՆԵՐ

ՆՈՐՈՒԹՅՈՒՆՆԵՐ
01.01.20 ՍԱՐՉԱՊԵՏ
     Սարչապետ համայնքը կազմավորվել է 19-րդ դարի 20-30-ական թվականներին: Բնակչության հիմնական մասը Արևմտյան Հայաստանի Մուշից, Ալաշկերտ գավառի  Մոլեսման գյուղից գաղթածներն են,   որոնք տեղահանվել են վերոհիշյալ և մյուս գավառներից 1826-28թթ.   Ռուս-Պարսկական պատերազմի օրերին: Ինչպես պատմում են, այսպիսի հալածական մի խումբ էլ մի օր իրենց ճռճռան սայլերով, սովահալած հասել են Լոք սարի լանջը, դեպի անտառ հասնելու միտումով: Բերնեբերան անցած պատմությունը հանգում է նրան, որ սայլի անիվը ջարդվել է, առաջընթացն ընդհատվել և հիշյալ ընտանիքները ծվարել են Վիրահայոց լեռների երկրորդ թագուհու /Լալվարից հետո/ Լոք սարի ստորոտում, որը հյուսիսից սահմանակից է Վրաստանին: ... Մանրամասն
29.10.18 ՀԱՄԱՅՆՔՈՒՄ ԻՐԱԿԱՆԱՑՎՈՂ ԱՇԽԱՏԱՆՔՆԵՐԻ ՄԱՍԻՆ

 Սարչապետ խոշորացված համայնքի բնակավայրերում, գիշերային լուսավորության անցկացման աշխատանքներին զուգահեռ, շինարարական աշխատանքներ են անցկացվում նաև Պետրովկա բնակավայրում: Պետրովկայի մշակույթի տան և վարչական շենքի դուռ լուսամուտները և տանիքի ծածկը փոխարինվում են նորով: Ջանք չի խնայվում աշխատանքները մինչև ցրտերն սկսվելը ավարտին հասցնելու ուղղությամբ:

09.10.18 ՍԱՐՉԱՊԵՏ ՀԱՄԱՅՆՔԻ ԱՎԱԳԱՆՈՒ 09.10.2018 ԹՎԱԿԱՆԻ ԹԻՎ 8 ՀԵՐԹԱԿԱՆ ՆԻՍՏԸ
Այսօր` 09.10.2018 թվականին կայացավ Սարչապետ համայնքի ավագանու հերթական նիստը: Նիստն անցկացվեց համայնքի ղեկավարի աշխատասենյակում` համայնքի ղեկավարի նախագահությամբ: Նիստին հրավիրված էին համայնքի վարչական ղեկավարները, ներկա էին համայնքապետարանի աշխատակազմի աշխատակիցներ:   Նիստի ներկաներից էր նաև <<Լուսնյակ>> հասարակական կազմակերպության գործադիր տնօրեն Տիգրանուհի Կարապետյանը։  Նիստի օրակարգում ընդգրկված հարցերի քննարկումից հետո տիկին Կարապետյանը անդրադարձավ համայնքի խնդիրներին և թե ինչ ճանապարհներով կարելի է հասնել դրանց լուծմանը։ Տիկին Կարապետյանը շեշտեց նաև, որ իր այցելությունը կլինի շարունակական և հաջորդ մոտալուտ այցի ժամանակ կփորձի գրության տեսքով ներկայացնել ... Մանրամասն
01.10.18 ՀՀ ԼՈՌՈՒ ՄԱՐԶՊԵՏԻ ՏԵՂԱԿԱԼ ԱՐԱՄ ԽԱՉԱՏՐՅԱՆԻ ԱՅՑԸ ՊՐԻՎՈԼՆՈՅԵ ԲՆԱԿԱՎԱՅՐ

28.09.2018 թ. ՀՀ Լոռու մարզպետի տեղակալ Ա. Խաչատրյանը Սարչապետ համայնքի ղեկավար Բորիս Բարոյանի և համայնքապետարանի աշխատակազմի մի քանի աշխատակիցների հետ  այցելեց Սարչապետ համայնքի Պրիվոլնոյե բնակավայր: Այցի ընթացքում տեղի ունեցավ հանդիպում Պրիվոլնոյեի վարչական ղեկավարի, համայնքի ավագանու մի քանի անդամների, դպրոցի ուսուցիչների և բնակիչների հետ: Քննարկումներ արվեցին համայնքի խնդիրների և համայնքի բնակիչների հարկային պարտավորությունների մասին: Պարոն Խաչատրյանը ևս մեկ անգամ շեշտեց հարկային պարտավորությունները բարեխղճորեն կատարելու կարևորությունը, և թե որքանով է այն շաղկապված համայնքում կատարվելիք հետագա աշխատանքների և առկա խնդիրների լուծման հետ:

25.09.18 ՀՀ ԼՈՌՈՒ ՄԱՐԶՊԵՏԻ ՏԵՂԱԿԱԼ ԱՐԱՄ ԽԱՉԱՏՐՅԱՆԻ ԱՅՑԸ ՍԱՐՉԱՊԵՏ ՀԱՄԱՅՆՔ

 Այսօր` 25.09.2018 թ. աշխատանքային այցով Սարչապետ համայնքում էր ՀՀ Լոռու մարզպետի տեղակալ Արամ Խաչատրյանը: Պարոն Խաչատրյանը համայնքի ղեկավար Բորիս Բարոյանի և համայնքի բնակավայրերի վարչական ղեկավարների հետ անցկացրեց խորհրդակցություն սեփական եկամուտների հավաքագրման ցածր ցուցանիշնրի և դրանց բարձրացմանը նպաստող միջոցառումների մասին: Իր խոսքում նա մանրամասնեց հարկային պարտավորությունների պատշաճ կատարման կարևորությունը:    

24.09.18 ՀՀ ԱՆԿԱԽՈՒԹՅԱՆ 27-ՐԴ ՏԱՐԵԼԻՑԸ ՍԱՐՉԱՊԵՏԻ ՄԻՋՆԱԿԱՐԳ ԴՊՐՈՑՈՒՄ
  ՀՀ անկախության 27-րդ տարեդարձի կապակցությամբ 20.09.2018թ. Սարչապետ համայնքի միջնակարգ դպրոցում անկախության տոնին ընդառաջ տեղի ունեցավ տոնական միջոցառում։ Միջոցառումը հագեցած էր պատմական ակնարկներով, երգով, պարով ու հայրենիքին, անկախությանը, մեր զինվորներին և Հայաստանին նվիրված բանաստեղծություններով։ Միջոցառման սկիզբն ազդարարվեց ՀՀ օրհներգով, որը կատարվեց դպրոցի շնորհալի աշակերտների կողմից։ Հանդիսատեսին ներկայացվեց անկախացման ողջ գործընթացը։ Պարային համարով ու երգով հանդես եկան դպրոցի ամենակրտսեր աշակերտները։ Նրանց կատարողական բարձր վարպետությունը մեծ հիացմունք առաջացրեց հանդիսատեսի մոտ։  Միջոցառման վերջում ելույթ ունեցավ տնօրեն Հ.Դավթյանը, ով նույնպես շնորհավորեց ներկաներին ... Մանրամասն
10.09.18 ՀԱՄԱՊԵՏԱԿԱՆ ՀԵՐԹԱԿԱՆ ՇԱԲԱԹՕՐՅԱԿԸ ՍԱՐՉԱՊԵՏ ՀԱՄԱՅՆՔՈՒՄ

 Սարչապետ խոշորացված համայնքը իր ակտիվ մասնակցությունն ունեցավ <<Մաքուր Հայաստան>> ծրագրի շրջանակներում մեկնարկված 08.09.2018թ. հերթական համապետական շաբաթօրյակին: Համայնքի կազմում ընդգրկված բոլոր բնակավայրերում շաբաթօրյակն ընթացավ բավականին կազմակերպված և բարձր մակարդակով: Մաքրման աշխատանքներին մասնակցում էին դպրոցների ուսուցչական անձնակազմերը, աշակերտները, համայնքապետարանի և մանկապարտեզի աշխատակազմերը, համայնքի այլ սրտացավ բնակիչներ, ինչպես նաև ներգրավվեցին համայնքապետարանի հայեցողության տակ գտնվող բեռնատարներ ու այլ տեխնիկական միջոցներ:

13.07.18 ՀՀ ԼՈՌՈՒ ՄԱՐԶՊԵՏԻ ԱՅՑԸ ՍԱՐՉԱՊԵՏ ՀԱՄԱՅՆՔ

 Այսօր՝ 13.07.2018 թ. Սարչապետ համայնք էր այցելել ՀՀ Լոռու մարզպետ Հրանտ Մարգարյանը փոխմարզպետ Արամ Խաչատրյանի և մարզպետարանի այլ աշխատակիցների հետ: Այցը համայնքի բնակիչների և համայնքի ավագանու հետ ծանոթության բնույթ էր կրում: Բնակիչների կողմից մարզպետին ուղղվեցին տարաբնույթ հարցեր, որոնք արձանագրվեցին մարզպետարանի աշխատակիցների կողմից և որոնց պարոն Մարգարյանը խոստացավ անդրադառնալ և հնարավորինս աջակցել դրանց լուծմանը:

1 2 3 4 5 6 7 8


Բոլորը
ՏԵՍԱՀՈԼՈՎԱԿՆԵՐ
ՄԵՐ ԿՈՆՏԱԿՏՆԵՐԸ
ՄԻԱՑԵՔ ՄԵԶ
ՀՂՈՒՄՆԵՐ
գ. Սարչապետ

(077)867459

sarchapet.lori@mta.gov.am

Պաշտոնական էլ. փոստ` @e-citizen.am
(միայն www.e-citizen.am համակարգով ծանուցումների համար)



© 2008 - 2018 Հեղինակային իրավունքները պաշտպանված են
ՍԱՐՉԱՊԵՏԻ ՀԱՄԱՅՆՔԱՊԵՏԱՐԱՆ
Մշակող   ՏՀԶՎԿ ՀԿ
Համայնքային կառավարման տեղեկատվական համակարգ v2.02
ԲԿԳ Մրցանակ 2015 - OGP Award 2015
2015 Regional Winner